ՀՀ վարչապետի որոշմամբ՝ ԶՈւ գլխավոր շտաբի նախկին պետ, գեներալ-լեյտենանտ Արտակ Դավթյանը նշանակվել է Ռազմարդյունաբերության կոմիտեի նախագահ:

Նա այս պաշտոնին փոխարինելու է Ավետիք Քերոբյանին, որը պաշտոնից ազատվել է փետրվարին։

Գեներալ-լեյտենանտը ԶՈւ ԳՇ պետի պաշտոնից ազատվել էր հունիսի սկզբին, երբ մամուլն արձանագրել էր, որ արտակարգ դրության ժամանակ կայացել է նրա որդու հարսանեկան խնջույքը։ Նա ԳՇ պետ էր նշանակվել 2018 -ի մայիսին։

Դավթյանը ծառայության ընթացքում պարգևատրվել է «Վարդան Մամիկոնյան» շքանշանով, «Հայրենիքին մատուցած ծառայությունների համար» 1-ին և 2-րդ աստիճանի մեդալներով, «Արիության մեդալով։