Covid-19-ի պատվաստանյութն Ավստրալիայում պարտադիր չի լինի․ Վարչապետը փոշմանել է
Ավստրալիայի վարչապետ Սքոթ Մորիսոնը հրաժարվել է իր հայտարարությունից այն մասին, որ երկրում պատվաստանյութը պարտադիր կլինի։ Այս մասին հայտնում է CNBC-ն։
Ավստրալիայի առաջնորդը նշել է, որ չկան մեխանիզմներ, որոնք կապահովեն պարտադիրի սկզբունքն Ավստրալիայի քաղաքացիների համար․ «Մենք չենք կարող որևէ մեկին բռնել և ստիպել, որ այն ընդունի»։
Ավելի վաղ նա հայտարարել էր, որ պատրաստվում է հնարավորինս պարտադիր դարձնել կորոնավիրուսի դեմ պատվաստվելը, բացառությամբ միայն առողջական հակացուցումները։ Դրա նպատակը Ավստրալիան նորմալ կյանքին վերադարձելն է։
Մորիսոնը նաև հայտարարել էր, որ նպատակ ունի երկրի 95%-ին պատվաստել։ Պատվաստանյութը քաղաքացիների համար անվճար է լինելու։
Օգոստոսի 19-ի դրությամբ Ավստրալիայում կորոնավիրուսի 23,993 դեպք է գրանցվել, մահացել է 450 մարդ։
