Covid-19 դրական կարգավիճակով 790 քաղաքացի սպասում է հոսպիտալացման իր հերթին: Այդ մասին ֆեյսբուքյան իր էջում տեղեկացրել է Այրվածքաբանության ազգային կենտրոնի տնօրեն Գևորգ Սիմոնյանը։

Ավելի վաղ հայտարարվել էր, որ առաջնահերթ կհոսպիտալացվեն Covid-19-ով վարակված այն բուժառուները, ովքեր ունեն թթվածնի կարիք:

Հայաստանում նոյեմբերի 6-ի դրությամբ կորոնավիրուսի դեպքերը հասել են 101,773-ի, փաստացի բուժվողներինը՝ 38,088-ի։

Ավելի վաղ առողջապահության նախարարությունը հայտարարել էր, որ պատերազմական իրավիճակում առավել կարևոր է դառնում զգոն լինելը և հակահամաճարակային կանոններին հետևելը, քանի որ կորոնավիրուսի դեպքերի աճն ավելի է ծանրաբեռնում պատերազմի պայմաններում գործող առողջապահական համակարգը։