WBO վարկածով թեթեւ քաշային կարգում աշխարհի նախկին չեմպիոն, ուզբեկական բռնցքամարտիկ Արթուր Գրիգորյանը Universum պրոմոուտերական ընկերության 25-ամյակին նվիրված հոբելյանական շոուի ժամանակ մենամարտել է բուլղարացի Կիրկոր Կիրկորովի հետ: Վեց ռաունդ տեւած մենամարտում 41-ամյա բռնցքամարտիկ Արթուր Գրիգորյանին հաղթանակ տվեցին ըստ միավորների: Այդ մասին ասվում է boxing.de կայքում տեղակայված տեղեկատվության մեջ:

Արթուրն առաջին անգամ ռինգ դուրս եկավ այն բանից հետո, երբ 2004թ. ավարտել էր իր կարիերան:
Արթուր Գրիգորյանը թեթեւ քաշային կարգում աշխարհի չեմպիոնի տիտղոսը կրել է 9 տարի շարունակ (1996-2004): Իր պրոֆեսիոնալ կարիերայի ընթացքում նա անցկացրել է 38 մենամարտ եւ հաղթանակ է տարել դրանցից 37-ում, իսկ մեկում պարտություն է կրել այդ ժամանակ դեռեւս չպարտված բրազիլացի Ասելինե Ֆրեյտասից:

Սպորտային կարիերան ավարտելուց հետո Արթուր Գրիգորյանը մնաց Universum ընկերությունում` աշխատելու որպես մարզիչ: