Իրանի գերագույն առաջնորդ Ալի Համենեին հայտարարել է, որ կորոնավիրուսի դեմ պատվաստանյութեր չեն ներմուծի ԱՄՆ-ից ու Մեծ Բրիտանիայից։

Նա պարզաբանել է, որ եթե ամերիկյան և բրիտանական պատվաստանյութերն արդյունավետ լինեին, այդ երկրներում մահվան ելքով այդքան դեպքեր չէին գրանցվի։ Ըստ նրա՝ Իրանում մշակված պատվաստանյութն արդեն փորձարկվել է մարդկանց վրա և լավ արդյունք է ցույց տվել։ Ըստ Համենեիի՝ Իրանը կարող է հպարտանալ պատվաստանյութի մշակմամբ, գրում է «Վեդոմոստին» Fars գործակալության վրա հղումով։

Մեծ Բրիտանիայում և ԱՄՆ-ում արդեն գրանցվել և կիրառվում են BioNTech և Pfizer պատվաստանյութերը, իսկ Moderna-ն՝ միայն ԱՄՆ-ում։ BioNTech և Pfizer-ի արդյունավետությունը կազմում 95%, Moderna-ը՝ 94,1%։ Բրիտանական AstraZeneca պատվաստանյութի արդյունավետությունը միջինը 70% է։ Ռուսական «Սպունիկ V» պատվաստանյութի արդյունավետությունը գնահատվում է 95% և 100%՝ ծանր դեպքերի համար։

Ավելի վաղ հայտնի դարձավ, որ Նորվեգիայում 2 մարդ է մահացել Pfizer և BioNTech պատվաստանյութով պատվաստվելուց հետո։ Եղել են նաև հոսպիտալացման դեպքեր։