Ռուսաստանի Պետդուման պատրաստվում է հարցում ուղղել կառավարությանն ինքնահռչակ հանրապետություններ Դոնեցկի, Լուգանսկի, ինչպես նաև Լեռնային Ղարաբաղում ռուսաստանցի խաղաղապահների պատասխանատվության գոտու բնակիչներին կորոնավիրուսի դեմ ռուսական պատվաստանյութ ներարկելու հնարավորության մասին։
«Մենք պետք է օգնենք մեր հայրենակիցներին, մանավանդ նրանց, ովքեր այսօր գտնվում են Դոնեցկի ու Լուգանսկի մարզերում։ Մեզանից բացի նրանց ուրիշ օգնող չկա»,- ասել է Պետդումայի նախագահ Վյաչեսլավ Վոլոդինը, փոխանցում է «Ազատությունը»։
Առաջարկը ներկայացել է ԱՊՀ երկրների գործերով հանձնաժողովի փոխնախագահ Կոնստանտին Զատուլինը։ Պատգամավորները կողմ են դրան։
Ավելի վաղ հաղորդվել էր, որ ռուսական «Սպուտնիկ V» պատվաստանյութի 2000 չափաբաժին է ուղարկվել ԼՂ ռուսաստանցի խաղաղապահների համար։