ՌԴ ԱԳ նախարար Սերգեյ Լավրովն ու ՀՀ ԱԳ նախարար Արա Այվազյանը քննարկել են Հայաստանում ստեղծված իրավիճակը։ Լավրովը հույս է հայտնել, որ ՀՀ-ում ստեղծված իրավիճակը կկարգավորվի խաղաղ հունով, գրում է ՌԻԱ Նովոստին։

ԱԳ նախարարը նաև ասել է, որ ՌԴ-ն դիտարկում է իրավիճակը երկրում որպես Հայաստանի ներքին գործ։

Այվազյանը տեղեկացրել է ՀՀ-ում իրավիճակի վերջին զարգացումների մասին։

Փետրվարի 25-ին Զինված ուժերի Գլխավոր շտաբը պահանջել է վարչապետի հրաժարականը: Փաշինյանը ԳՇ գործողությունը որակել է ռազմական հեղաշրջման փորձ:

Վարչապետն ավելի վաղ պաշտոնից ազատել է ԳՇ պետ Օնիկ Գասպարյանին և նրա առաջին տեղակալ Տիրան Խաչատրյանին: Զինվորականների հայտարարությունից հետո Փաշինյանն իր կողմնակիցներին կոչ է արել հավաքվել Հանրապետության հրապարակում: Ընդդիմությունն իր հավաքը անցկացնում է Ազատության հրապարակում։