Արցախում ծառայող ժամկետայինների ծնողները հանդիպել են վարչապետ Նիկոլ Փաշինյանին, նրանք ցանկանում են, որ իրենց երեխաները զորացրվեն և տուն վերադառնան, փոխանցում է Armlur.am-ը:

Ծնողներից մեկի խոսքով՝ իրենց վարչապետի պատասխանը չի բավարարել, նրանք շարունակել են բողոքի ցույցը՝ Կառավարության շենքի առջև։

«Որևէ արդյունք չեմ կարող արձանագրել, նույն փափուկ բարձի մոդելն է՝ կանենք, մտածում ենք, մեր խնդիրն է, ընդունում ենք»,-նշել է ծնողներից մեկը՝ հավելելով, որ իրենց կողմից կոնկրետ քայլեր են լինելու։

Պատերազմից հետո զինծառայողների ծնողները պահանջում են, որ Արցախում ծառայողները վերադառնան ՀՀ։ Վարչապետը 3-րդ անգամ է հանդիպել նրանց։