Արտակ Բեգլարյանը, ազատվելով Արցախի նախագահի աշխատակազմի ղեկավարի պաշտոնից, նշանակվել է պետական նախարար։

Նախագահ Արայիկ Հարությունյանը ստորագրել է հրամանագիրը, մեկ այլ հրամամագրով ազատելով Գրիգորի Մարտիրոսյանին, իր դիմումի համաձայն, պետական նախարար, ֆինանսների նախարարի պաշտոնից:

Հանրապետության նախագահի մեկ այլ հրամանագրով` փոփոխություն է կատարվել ԱՀ կառավարության կառուցվածքում, համաձայն որի՝ ֆինանսների նախարարն այսուհետ չի իրականացնելու պետական նախարարի լիազորությունները։

Երկրի ղեկավարի ստորագրած հրամանագրով՝ Արցախի պետական նախարարը համակարգելու է հետևյալ նախարարների գործունեությունը.

1) աշխատանքի, սոցիալական և միգրացիայի հարցերի նախարար

2) առողջապահության նախարար

3) արդարադատության նախարար

4) կրթության, գիտության, մշակույթի և սպորտի նախարար։