«Հյուսիսային հոսք 2» գազատարի նախագիծը սառեցվում է ՌԴ կողմից Ուկրաինայում ռազմական գործողություններ սկսելու պատճառով։ Այդ մասին հայտարարել է Ավստրիայի կանցլեր Կարլ Նեհամմերը, գրում է ՌԻԱ Նովոստին։

«Դա բազմաթիվ միջոցներից միայն մեկն է, որոնք ձեռնարկում ենք` ցույց տալու Ռուսաստանին, որ Եվրոպայում նրա հանդեպ ըմբռնում չի լինի, երբ քաղաքականությունն իրականացվում է բռնության ճանապարհով»,-ասել է նա՝ ելույթ ունենալով Ավստրիայի Ազգային խորհրդի նիստում։

Փետրվարի 24-ի վաղ առավոտյան ՌԴ նախագահ Վլադիմիր Պուտինը հայտարարել է Դոնբասում հատուկ ռազմական գործողության մասին։ Նա ասել է, որ նպատակը մարդկանց պաշտպանելն է, որոնք «ենթարկվում են ցեղասպանության Կիևի ռեժիմի կողմից»։ Պուտինը հավելել է, որ ՌԴ-ն ձգտելու է Ուկրաինայի «ապառազմականացմանը և ապանացիֆիկացիայի»։ Ուկրաինայի ամբողջ տարածքում ռազմական դրություն է հայտարարվել։ Զելենսկին հայտարարել է ՌԴ հետ հարաբերությունները խզելու մասին։

ԱՄՆ նախագահ Ջո Բայդենը, իր հերթին, հայտնել է, որ ՌԴ նախագահ Վլադիմիր Պուտինն ընտրել է միտումնավոր պատերազմը, որը աղետալի զոհերի և տառապանքների է հանգեցնելու և ասել, որ «միասնական և վճռական պատասխան է լինելու»։