21 ապրիլի 2022 - 12:27 AMT
Մոսկվայում Հայոց ցեղասպանության մասին վահանակներ են տեղադրվել

Ռուսաստանի հայերի միությունն ապրիլի 24-ին ընդառաջ Մոսկվայի ամբողջ տարածքում վահանակներ է տեղադրել՝ հիշեցնելով Օսմանյան Թուրքիայում Հայոց ցեղասպանության մասին։

Այդ մասին ֆեյսբուքյան իր էջում հայտնել է ՌՀՄ-ն՝ մեջբերելով ՌԴ նախագահ Վլադիմիր Պուտինի խոսքերն այդ հարցում Ռուսաստանի դիրքորոշման մասին։

«1915 թվականի ապրիլի 24-ը ողբերգական օր է՝ կապված մարդկության պատմության մեջ ամենասարսափելի և դրամատիկ իրադարձություններից մեկի՝ հայ ժողովրդի Ցեղասպանության հետ։ Մենք գլուխ ենք խոնարհում այդ ողբերգության բոլոր զոհերի հիշատակի առջև, որը մեր երկրում միշտ ընկալվել է որպես սեփական ցավ և դժբախտություն։

Ռուսաստանի դիրքորոշումը միշտ եղել և մնում է օբյեկտիվ ու հետևողական՝ ազգային պատկանելության հատկանիշով զանգվածային ոչնչացմանը չի կարող արդարացում ունենալ»,-ասվում է Պուտինի հայտարարության մեջ, որը նա արել է մի քանի տարի առաջ։ ։