ԱԺ «Հայաստան» խմբակցության անդամ Քրիստինե Վարդանյանը, անդրադառնալով ԱԱԾ հայտարարությանը, ֆեյսբուքյան իր էջում գրել է, որ ՀՀ արժանապատիվ քաղաքացիները որևէ շենք զավթելու կարիք չունեն։

ԱԱԾ-ն հաղորդագրություն է տարածել, նշելով, թե հավաստի օպերատիվ տվյալներ են ստացել, որ հավաքի մասնակիցները մտադրված են զավթել ԱԺ շենքը և հարկադրել կատարելու որևէ գործողություն։

«Հայաստանի Հանրապետության արժանապատիվ քաղաքացիները որևէ շենք զավթելու կարիք չունեն մի պարզ պատճառով` իշխանությունն այլևս այդ շենքերում չէ, այն Հայաստանի փողոցներում, հայ մարդկանց ձեռքին։

Մեզ մնում է միայն համբերատարությամբ, վճռականությամբ և առանց սադրանքների տրվելու դե յուրե ևս արձանագրել դե ֆկտո արձանագրված այս իրողությունը» , - գրել է պատգամավորը։