Անդրեասյան․ Տարրական դասարաններում ուսուցչի շաբաթական դրույքաչափը կլինի 18 ժամ՝ 22-ի փոխարեն
Նոր չափորոշչով տարրական դասարաններում ուսուցչի շաբաթական դրույքաչափը կազմելու է 18 դասավանդվող ժամ ներկայումս գործող 22-ի փոխարեն։ Այդ մասին ֆեյսբուքյան իր էջում տեղեկացրել է ԿԳՄՍ փոխնախարար Ժաննա Անդրեասյանը՝ հավելելով, որ հատկապես դասվարների համար է գրում։
«Միջին և ավագ աստիճանի դասարաններում՝ 20 դասավանդվող ժամ ներկայումս գործող 22-ի փոխարեն։
Նոր չափորոշիչը փուլային կներդրվի բոլոր դպրոցներում 2023-ի սեպտեմբերից։
Հուսամ՝ հստակ է և հետագա հարցեր այս թեմայով չեն լինի»,-գրել է նա։
