«Նոգու սվելո» ռուսական ռոք խումբը համերգով հանդես կգա Երևանում։ Այդ մասին տեսաուղերձում հայտնել է երաժշտական խմբի ղեկավար Մաքսիմ Պոկրովկսին։

Վերջինս նաև խմբի բոլոր երգերի երաժշտության և տեքստերի հեղինակն է։

Համերգը կայանալու է հուլիսի 29-ին՝ Platform ակումբում:

Խմբի գործունեությունը չի սահմանափակվում դասական ռոքով, ներառում է նաև փոփ-պանկ, այլընտրանքային ռոք, փանկ-փոփ, արտ-փանկ, ինչպես նաև էլեկտրոնային երաժշտության տարրեր։

«Նոգու սվելո» ռուսական խումբը ստեղծվել է 1987-ին, երբ Պոկրովսկին ծանոթացել է կիթառահար Վիտալի Ակշևսկու հետ։ Շուտով խմբին միացել է հարվածային Անտոն Յակումուլսկին։ 1991-ին Ակշևսկուն փոխարինել է կիթառահար Իգոր Լապուխինը։ Այժմ խումբը հանդես է գալիս հետևյալ կազմով՝ Մաքսիմ Պոկրովսկի, Ալեքսանդր Վոլկով, Եվգենի Գուդկով, Ալեքսանդր Իլյուշչենկո, Օլգա Զախարովա, Եվգենի Բաշտան, Պավել Աքսյոնով։ ‌