Հուլիսի 15-ին անվտանգության խորհրդի նախագահ Արմեն Գրիգորյանը Երևանում հանդիպել է ԱՄՆ Կենտրոնական հետախուզական վարչության (ԿՀՎ) ղեկավար Ուիլյամ Բըրնսի հետ: Այդ մասին նա տեղեկացրել է ֆեյսբուքյան իր էջում։

Կողմերը քննարկել են Հայաստան-Ադրբեջան և ՀՀ-Թուրքիա բանակցային գործընթացները։

«Քննարկել ենք Հայաստան-ԱՄՆ երկկողմ հարաբերությունների հետագա զարգացումը:

Հանդիպման ընթացքում ներկայացրել եմ տարածաշրջանային անվտանգության միջավայրը, առկա մարտահրավերները և տարածաշրջանում խաղաղության հաստատման Հայաստանի մոտեցումը։ Այս համատեքստում քննարկել ենք Հայաստան-Ադրբեջան և Հայաստան-Թուրքիա բանակցային գործընթացները»,-ասվում է գրառման մեջ։