Ապրիլի 5-ին Ռասիզմի եւ հակասեմիտիզմի դեմ միջազգային լիգայում (LICRA) Ֆրանսիայում Իսրայելի նախկին դեսպան Էլի Բարնավին հայտարարել է, որ պատմաբան Ժիլ Վեյնսթայնը սխալ է վարվում` ժխտելով 1915թ. հայերի ոչնչացման ցեղասպան բնույթը, «քանի որ դա հենց ցեղասպանություն է եղել»: Դիվանագետը նշել է, որ իր աշխատանքի ընթացքում շատ անգամ է դժվարությունների բախվել «ցեղասպանություն» բառեզրի կիրառման հարցում, քանի որ այն արգելքի տակ էր: Այդ մասին PanARMENIAN.Net-ին է հաղորդել անկախ լրագրող Ժան Էքիյանը:

Իսրայելը մինչ այժմ չի ճանաչել Հայոց ցեղասպանությունը` գտնելով, որ ցեղասպանություն կարող է համարվել միայն Հոլոքոսթը: Մինչդեռ, պատմաբան Ռաֆայել Լեմկինը, որը 1944 թվականին «ցեղասպանություն» տերմինը շրջանառութայն մեջ դրեց միջազգային իրավունքում, նկատի ուներ հենց հայերի կոտորածը: