2022 թվականին ՌԴ-ից Հայաստան է մեկնել 49,000 մարդ։ Այդ են վկայում «Ռոսստատի» վիճակագրական տվյալները։

Ընդհանուր առմամբ, տարեսկզբից Ռուսաստանից մեկնել է 419,000 մարդ՝ նախորդ տարվա նույն ժամանակահատվածում այդ ցուցանիշը 202,000 մարդ էր։

Մեկնողների ամենամեծ քանակը եղել է դեպի Ուկրաինա՝ 79,600 մարդ, և Տաջիկստան՝ 58,400 մարդ, Հայաստանը 49,000 ցուցանիշով երրորդն է այդ ցուցակում, գրում է ՌԲԿ-ն։

Հեռավոր արտերկիր մեկնողների քանակով առաջատարը Չինաստանն է, ուր մեկնել է 6600 ռուսաստանցի, որին հաջորդում է Վիետնամը, ուր մեկնել է 5400 ռուսաստանցի և Հնդկաստանը, ուր մեկնել է 4100 մարդ։

Միգրացիոն արտահոսքը ՌԴ-ից 2022-ին կազմել է 96,000, 2021-ի 114,000 ներհոսքի դիմաց։ ‌