Հունվարի 8-ին Դիարբեքիրի Սբ Կիրակոս հայկական եկեղեցում Սուրբ ծննդյան պատարագ է մատուցվել։ Պատարագիչներին գործուղել էր Կոստանդնուպոլսի Հայոց պատրիարքը։

Հայր Նաթաբ Արաբյանն ասել է՝ հպարտ է, որ Սուրբ ծնունդը տոնվում է Դիարբեքիրում, քաղաքակրթությունների օրրանում, գրում է Anadolu-ն։

Արաբյանը նաև շնորհակալություն է հայտնել Թուրքիայի նախագահ Ռեջեփ Թայիփ Էրդողանին Դիարբեքիրում «խաղաղ իրավիճակ ապահովելու համար»։

«Շնորհավոր բոլորի Ամանորը, մաղթում եմ անդորր, խաղաղություն և եղբայրություն ամբողջ աշխարհին»,-ասել է նա։

Պատարագից առաջ եկեղեցի է այցելել Սուր նահանգի փոխնահանգապետ Ասիկ Սոլակը և շնորհավորել հանդիսության մասնակիցներին։