Փետրվարի 7-ին Հայաստան կժամանի Խորվաթիայի ԱԳ նախարար Գորդան Գրլիչ Ռադմանը: Նա պաշտոնական այցով ՀՀ-ում կլինի փետրվարի 7-8-ին։

Փետրվարի 8-ին ԱԳՆ-ում կկայանա Հայաստանի և Խորվաթիայի ԱԳ նախարարների հանդիպումը, որին կհետևի նրանց մամուլի ասուլիսը:

Այցի շրջանակում Խորվաթիայի ԱԳ նախարարը հանդիպումներ կունենա նաև նախագահի, վարչապետի, ԱԺ նախագահի, Ամենայն հայոց կաթողիկոսի և պաշտոնատար այլ անձանց հետ:

Հայաստանի և Խորվաթիայի միջև դիվանագիտական հարաբերությունները հաստատվել են 1994թ.-ին: 2019թ. հունիսի 7-ին Աշոտ Հովակիմյանը նշանակվել է Խորվաթիայում ՀՀ արտակարգ և լիազոր դեսպան (նստավայրը՝ Պրահա): 2011թ.-ից Երևանում գործում է պատվո հյուպատոսի գրասենյակը: