«Եվրատեսիլ 2023» երգի մրցույթում Հայաստանը ներկայացնող Brunette-ը կիսաեզրափակչում հաջող ելույթից հետո անցել է եզրափակիչ և իր Future Lover երգով հանդես կգա մայիսի 13-ին։
Մայիսի 11-ին կայացած երկրորդ եզրափակչի արդյունքում 16 երկրից Հայաստանից բացի եզրափակիչ են անցել նաև Ալբանիայի, Կիպրոսի, Էստոնիայի, Բելգիայի, Ավստրիայի, Լիտվայի, Լեհաստանի, Սլովենիայի և Ավստրալիայի ներկայացուցիչները։
Վրաստանը, ինչպես նաև Դանիան, Ռումինիան, Իսլանդիան, Հունաստանը և Սան Մարինոն չեն անցել եզրափակիչ և չեն մասնակցի հետագա մրցույթին։
Առաջին կիսաեզրափակչից եզրափակիչ էին անցել Նորվեգիայի, Խորվաթիայի, Մոլդովայի, Շվեյցարիայի, Ֆինլանդիայի, Չեխիայի, Իսրայելի, Պորտուգալիայի, Շվեդիայի և Սերբիայի ներկայացուցիչները։
Եվրատեսիլի հայաստանյան պատվիրակության ղեկավար Դավիթ Ծերունյանն ավելի վաղ ասել էր, որ երկրորդ տարին անընդմեջ Հանրային հեռուստաընկերությունը հնարավորություն է ընձեռում Հայաստանի երիտասարդ և տաղանդավոր հեղինակ-կատարողներին ներկայանալ աշխարհի ամենամեծ բեմերից մեկում՝ «Եվրատեսիլ» երգի մրցույթում:
