Նոյեմբերի 18-20-ը Երևանում տեղի կունենա ԵԱՀԿ ԽՎ աշնանային նստաշրջանը, որը վեհաժողովի հիմնական նստաշրջաններից է:
«Երևանը կդառնա Եվրոպայի անվտանգության և համագործակցության կազմակերպության խորհրդարանական վեհաժողովի գլխավոր հարթակը՝ Հայաստան կժամանի մոտ 50 երկրի 300 պատվիրակ», hայտնում է Ազգային ժողովի մամուլի ծառայությունը։
Հյուրընկալող կողմն Ազգային ժողովն է:
Հայաստանի ԱԺ-ն դեռ ամռանն էր հայտ ներկայացրել և պատրաստակամություն հայտնել Հայաստանում հյուրընկալելու վեհաժողովի աշնանային նստաշրջանի պատվիրակներին:
ԵԱՀԿ ԽՎ նստաշրջանը նախատեսված էր անցկացնել Ուզբեկստանի Սամարղանդ քաղաքում, սակայն 2023–ի փետրվարին այդ երկրի կառավարությունը հրաժարվեց նստաշրջանի անցկացումից «քաղաքական պատճառներով»։