Ամենայն Հայոց կաթողիկոս Գարեգին Երկրորդի հայրապետական տնօրինությամբ Արցախի թեմի հոգևոր հայրերն իրենց ծառայությունը շարունակելու են Հայ առաքելական եկեղեցու տարբեր թեմերում:

Արցախի թեմը ներկայացրել է նրանց ծառայության վայրերը․

Տեր Վրթանես եպիսկոպոս Աբրահամյան — Մայր Աթոռ Սուրբ Էջմիածին, Արցախի հոգևոր-մշակութային ժառանգության հարցերով գրասենյակի տնօրեն

Տեր Սահակ վարդապետ Շաքարյան — Սյունյաց թեմ, Տաթևի վանական համալիրի վանահայր

Տեր Մինաս քահանա Մովսիսյան — Կոտայքի թեմ, գ. Սոլակ, Սուրբ Աստվածածին եկեղեցի

Տեր Հովհաննես քահանա Հովհաննիսյան — ք. Երևան, Եռաբլուրի Սրբոց Վարդանանց Նահատակաց եկեղեցի

Տեր Անդրեաս քահանա Թավադյան — Մասյացոտնի թեմ, ք. Վեդի, Սուրբ Աստվածածին եկեղեցի ,Վեդի համայնքի Ոսկետափ, Այգավան, Լուսառատ, Փոքր Վեդի և Տափերական բնակավայրեր

Տեր Մատթեոս քահանա Դրավանց — Հարավային Ռուսաստանի թեմ, ք. Լաբինսկ

Տեր Ներսես քահանա Ասրյան — Կրասնոդարի և Հյուսիսային Կովկասի հայոց թեմ, ք. Վլադիկավկազ, Սուրբ Գրիգոր Լուսավորիչ եկեղեցի

Տեր Բենիամին քահանա Ծատուրյան — Մասյացոտնի թեմ, գ. Կանաչուտ, Սուրբ Գևորգ եկեղեցի

Տեր Սերովբե քահանա Պատվականյան — Ռուսաստանի և Նոր Նախիջևանի հայոց թեմ, ք. Մագնիտագորսկ, Սուրբ Հովհաննես Կարապետ եկեղեցի

Տեր Վարդան քահանա Ներսիսյան — Կոտայքի թեմ, Մայակովսկի գյուղի Սուրբ Գևորգ և Արամուս գյուղի Սուրբ Հակոբ եկեղեցիներ

Տեր Մխիթար քահանա Հարոյան — Շիրակի թեմ, Երերույքի տաճար, գ. Ջրափի, Սուրբ Աստվածածին եկեղեցի, գ. Բագրավան, Սուրբ Ավետիս մատուռ

Տեր Սեպուհ քահանա Հակոբյան — Ռուսաստանի և Նոր նախիջևանի հայոց թեմ, ք. Ուլիանովսկ, Սուրբ Գրիգոր Լուսավորիչ եկեղեցի

Տեր Հուսիկ քահանա Դոխոլյան — ք. Երևան, Սուրբ Երրորդություն եկեղեցի

Տեր Վաչագան քահանա Գյուրջյան — ք. Էջմիածին, Մայր Աթոռ Սուրբ Էջմիածին», – նշված է հաղորդագրության մեջ։

Ադրբեջանը սեպտեմբերի 19-ին Արցախի դեմ լայնամասշտաբ հարձակում է իրականացրել՝ ամբողջությամբ զանգվածային հրետակոծության տակ առնելով երկիրը։ Արդյունքում մեկ օր անց՝ սեպտեմբերի 20-ին ԱՀ իշխանություններն ընդունել են ռուսական խաղաղապահ առաքելության հրամանատարության առաջարկը կրակի դադարեցման վերաբերյալ՝ համաձայնվելով Բաքվի պայմաններին՝ ՊԲ զինաթափում և Արցախի Հանրապետության լուծարում։ Սեպտեմբերի 24-ից արցախցիների բռնի տեղահանում է սկսվել, 100,000–ից ավելի մարդ է բռնի տեղահանվել Հայաստան: Ըստ որոշ տվյալների, Արցախում մոտ 40 հայ է մնացել։ Սեպտեմբերի 28–ին ԱՀ նախագահ Սամվել Շահրամանյանը հրամանագիր է ստորագրել ԱՀ լուծարման մասին, որը ուժի մեջ է մտնում 2024–ի հունվարի 1–ից։