ՀՀ ԱԳՆ–ն, անդրադառնալով Իրանի պատասխան գործողություններին Իսրայելի դեմ, հայտարարել է, որ լարվածության աճը Մերձավոր Արևելքում լուրջ մտահոգություն է առաջացնում։ Այդ մասին ասվում է ԱԳՆ–ի X-ի միկրոբլոգում։

«Մենք կոչ ենք անում առաջնայնությունը տալ երկխոսությանը։ Հարկ է խուսափել հետագա առճակատումից»,–ասվում է գրառման մեջ։

Իրանը ապրիլի լույս 14–ի գիշերը մոտ 300 ԱԹՍ-ներ ու հրթիռներ է արձակել Իսրայելի ուղղությամբ։ ԱՄՆ–ն, Ֆրանսիան և Մեծ Բրիտանիանա աջակցել են Իսրայելին՝ հրթիռների մի մասը կասեցնելով մինչ Իրսայելի տարածք հասնելը։ Իսրայելը հայտարարել է, որ մեծ վ նաս չի հասցվել երկրին։ Իրանը հայտարարել է, որ չի պատրաստվում շարունակել գործողությունը։

Իրանն այս գործողությունն իրականացրել է ի պատասխան Իսրայելի կողմից Սիրիայում իր հյուպատոսության հարվածի, որի պատասխանատվությունն Իսրայելը չի ստանձնել և որի հետևանքով Իրանի հեղափոխության պահապանների բարձրաստիճան հրամանատարներ են սպանվել։