Ռուսաստանի Դաշնության իրավապահ մարմինները տեղեկություն են փոխանցել հետախուզման մեջ գտնվող, Ազգային ժողովի նախկին պատգամավոր Տիգրան Ուրիխանյանի ձերբակալման մասին։ Տեղեկությունը հաստատել է ՆԳՆ մամուլի խոսնակ Նարեկ Սարգսյանը, հայտնում է Արմենպրեսը։
«Այո, ռուսական կողմը տեղեկատվություն տրամադրել է այդ մասին»,-ասել է Սարգսյանը։
Տիգրան Ուրիխանյանի նկատմամբ հետախուզում էր հայտարարվել ՀՀ քրեական օրենսգրքի 442 հոդվածի հատկանիշներով` այն է՝ պաշտոնատար անձի կողմից ձեռնարկատիրական գործունեությանն ապօրինի մասնակցելը: