Evocabank-ը «Ի՞նչ, որտե՞ղ, ե՞րբ» բարեգործական խաղի շրջանակում 1 մլն դրամ է նվիրաբերել City of Smile հիմնադրամին։
Մայիսի 16-ին տեղի ունեցած 2024թ․ գարնանային «Ի՞նչ, որտե՞ղ, ե՞րբ» բարեգործական խաղում հաղթողներ ու պարտվողներ չկային: ՏՏ և ֆինանսական ոլորտի թիմերը միավորվել էին մի նպատակի շուրջ՝ օգնել City of Smile բարեգործական հիմնադրամի փոքրիկներին:
Բոլոր անվանակարգերում մրցանակներ ստացած թիմերն ու խաղացողները իրենց դրամային մրցանակներն անմիջապես նվիրաբերեցին հիմնադրամին՝ փոքրիկների բուժման նպատակով:
Evocabank-ը շարունակաբար աջակցություն է ցուցաբերում հանրության տարբեր խմբերին և հասարակական նախաձեռնություններին։ Կարևորելով կորպորատիվ սոցիալական պատասխանատվության մեծ դերը Բանկում՝ «Ի՞նչ, որտե՞ղ, ե՞րբ» բարեգործական խաղի շրջանակում Evocabank-ը նվիրաբերեց 1 մլն դրամ City of Smile հիմնադրամին։