ԱԳ նախարար Արարատ Միրզոյանը Վիլնյուսում հանդիպել է բելառուս ընդդիմադիր քաղաքական գործիչ Սվետլանա Տիխանովսկայայի հետ: Այս մասին ֆեսյբուքյան իր էջում հայտնել է ԱԳՆ մամուլի խոսնակ Անի Բադալյանը։
Այլ մանրամասներ չեն հաղորդվում։
Բելառուսից հեռանալուց հետո Տիխանովսկայայն բնակություն է հաստատել Լիտվայում։
Հանդիպմանը X-ի իր միկրոբլոգում անդրադարձել է նաև Տիխանովսկայան՝ նշելով, որ իր համար մեծ պատիվ էր ծանոթանալ Միրզոյանի հետ։
«Շնորհակալություն հայտնեցի Հայաստանին Լուկաշենկոյի ռեժիմի նկատմամբ իր հաստատուն դիրքորոշման համար և հույս հայտնեցի, որ սերտ գործակցությունը մեր ժողովրդավար ուժերի միջև կշարունակվի։ Բելառուսի ժողովուրդն արժանի է ազատ, ժողովրդավարական և եվրոպական ապագայի»,–գրել է նա։
Ավելի վաղ Տիխանովսկայայի հետ էր հանդիպել նաև ՀՀ ԱԺ խոսնակ Ալեն Սիմոնյանը։
