Հունիսի 27–ին Փարիզում Ֆրանկոֆոնիայի խաղերի դրոշը փոխանցվել է Հայաստանին։ Այդ մասին ֆեյսբուքյան իր էջում հայտնել է վարչապետի աշխատակազմի ղեկավար Արայիկ Հարությունյանը։
«Ֆրանկոֆոնիայի խաղերի դրոշը փոխանցվեց Հայաստանին: Ստորագրվեց հուշագիր, որով ՀՀ-ն դարձավ պաշտոնապես 2027 թվականի Ֆրանկոֆոնիայի 10-րդ խաղերի ընդունող երկիրը»,–ասվում է գրառման մեջ։
Ավելի վաղ հայտարարվել էր, որ Արայիկ Հարությունյանն աշխատաքային այցով մեկնել է Ֆրանսիա մասնակցելու է Ֆրանկոֆոնիայի խաղերի դրոշը Հայաստանին փոխանցելու պաշտոնական արարողությանը:
Ֆրանկոֆոնիայի 10-րդ միջազգային մարզամշակութային խաղերը 2027–ին կանցկացվեն Հայաստանում։ Հայաստանը Ֆրանկոֆոնիայի միջազգային կազմակերպության լիիրավ անդամ է 2012 թվականից։ 2018թ. Ֆրանկոֆոնիայի գագաթաժողովն անցկացվել է Երևանում։