ԱՄՆ պետդեպարտամենտի փոխխոսնակ Վեդանտ Պատելը, անդրադառնալով Ադրբեջանում քաղբանտարկյալների թեմային, նշել է, որ այդ հարցը ուշադրության կենտրոնում է։ Նա այդպես է պատասխանել այն հարցին, թե արդյո՞ք այդ թեման քննարկվում է Բաքվի և Վաշինգտոնի միջև բարձր մակարդակի հանդիպումներում։
Նա նշել է, որ դա տևական գործընթաց է։
«Դա մշտական ներգրավվածություն է պահանջում Վաշինգտոնից։ Թե ԱՄՆ պետքարտուղարը, թե պետքարտուղարի օգնականը ուշադրության կենտրոնում են պահում Ադրբեջանում քաղբանտարկյալների ազատ արձակման հարցը»,–ասել է նա։
Տարբեր գնահատականներով Ադրբեջանում մոտ 300 քաղբանտարկյալ կա։
Ադրբեջանական բանտերում պաշտոնապես նաև 23 հայ քաղբանտարկյալ կա, այդ թվում՝ Արցախի ռազմաքաղաքական ղեկավարության անդամները։ Ոչ պաշտոնական տվյալներով, նրանց թիվն ավելի մեծ է։