ԱԺ «Քաղաքացիական պայմանագիր» խմբակցության պատգամավոր Գուրգեն Արսենյանի պատգամավորական լիազորությունները դադարեցվել են։ ԱԺ նախագահ Ալեն Սիմոնյանի ստորագրած արձանագրությունը հրապարակվել է խորհրդարանի կայքում։
«Հիմք ընդունելով պատգամավորի հրաժարականի մասին դիմումը և առաջնորդվելով «Ազգային ժողովի կանոնակարգ» սահմանադրական օրենքի 154-րդ հոդվածի 1-ին մասի 6-րդ կետի և 155-րդ հոդվածի 2-րդ մասի 2-րդ կետի պահանջներով՝ դադարած համարել «Քաղաքացիական պայմանագիր» կուսակցության համապետական ընտրական ցուցակով ընտրված պատգամավոր Գուրգեն Արսենյանի՝ պատգամավորի լիազորությունները»,- նշված է ԱԺ նախագահի ստորագրած արձանագրության մեջ:
Ավելի վաղ Արսենյանը վայր էր դրել պատգամավորական մանդատը: Վերջին շրջանում լուրեր են շրջանառվում, որ նա առաջիկայում նշանակվելու է ՌԴ-ում ՀՀ դեսպանի պաշտոնում՝ փոխարինելով Վաղարշակ Հարությունյանին:
