«Մայր աստվածություն. Անահիտից Մարիամ» ցուցադրության ամբողջ ընթացքում սոցիալական որոշ խմբերի համար կգործեն այցելության հատուկ պայմաններ, հայտնում է Հայաստանի պատմության թանգարանը։

Անվճար այցելությունը տրամադրվում է․

- մինչև 12 տարեկան երեխաներին,

- երկկողմանի ծնողազուրկ երեխաներին,

- ՀՀ և ԼՂՀ տարածքում մարտական գործողությունների ժամանակ զոհված զինծառայողների ընտանիքի անդամներին,

- հաշմանդամություն ունեցող անձանց,

- ժամկետային զինծառայողներին,

- աղքատության համակարգում ընդգրկված նպաստառուներին,

- բազմազավակ ընտանիքների 12 տարեկանից բարձր դպրոցական երեխաներին,

- սահմանամերձ շրջանների 12 տարեկանից բարձր դպրոցական երեխաներին (նախապես ներկայացված հայտի հիման վրա),

- թանգարանների աշխատակիցներին,

- զբոսավարների միության անդամներին,

- լրագրողներին։

50% զեղչը տրամադրվում է․

- 12 տարեկանից բարձր դպրոցականներին,

- ուսանողներին,

- ՀՀ քաղաքացի հանդիսացող կենսաթոշակառուներին,

- փախստականներին։

Անվճար այցելությունից և զեղչից օգտվելու համար տոմսերն անհրաժեշտ է ձեռք բերել թանգարանում՝ ներկայացնելով համապատասխան փաստաթուղթ։