Իրանի արդյունաբերության, հանքերի և առևտրի նախարար Մոհամմեդ Աթաբակը Սանկտ Պետերբուրգում ԵԱՏՄ գագաթնաժողովի ժամանակ հայտարարել է, որ Իրանը պատրաստ է ընդլայնել գործակցությունը ԵԱՏՄ հետ, ԵԱՏՄ–ն միացնել թիրախային շուկաներին։
Ըստ նախարարի, Իրանի և ԵԱՏՄ 5 անդամ պետությունների միջև ազատ առևտրի մասին համաձայնագրի վավերացումն անդամ երկրների խորհրդարաններում կարևոր քայլ է երկրների առևտրային հարաբերություններում նոր դարաշրջան բացելու համար, գրում է «Իռնա» գործակալությունը։
Նա գոհունակություն է հայտնել Իրանին դիտորդի կարգավիճակի շնորհման առիթով և նշել, որ անկախ պատժամիջոցներից, Իրանը շարունակում է մնալ հուսալի գործընկեր։
Իրանին շնորհվել է Եվրասիական տնտեսական միությանը կից դիտորդ պետության կարգավիճակ: Համապատասխան որոշումը ստորագրել են ԵԱՏՄ երկրների ղեկավարները Լենինգրադի մարզում կայացած Եվրասիական տնտեսական բարձրագույն խորհրդի նիստում։ Կողմերը ստորագրել են նաև «Եվրասիական տնտեսական միության մասին» պայմանագրում փոփոխություններ կատարելու մասին արձանագրությունը և մաքսային տարանցման միասնական համակարգի մասին համաձայնագիրը
ԵԱՏՄ-ում դիտորդի կարգավիճակ ունեն նաև Ուզբեկստանը, Կուբան և Մոլդովան:
