Մարզահամերգային համալիրի գետնանցումը կբարեկարգվի
Վարձակալության հանձնված տարածքն այդպես էլ նպատակին չծառայեց, քանի որ այն վերածվել էր ժամանցի վայրի
Մարզահամերգային համալիրի դիմացի ստորգետնյա անցումը կբարեկարգվի, հայտնում է Երևանի քաղաքապետարանը:
«Կարեն Դեմիրճյանի անվան մարզահամերգային համալիրի դիմացի ստորգետնյա անցումը տասնամյակներ շարունակ փոփոխվում ու դառնում էր քաղաքացիների համար առավել վտանգավոր: Վարձակալության հանձնված տարածքն այդպես էլ նպատակին չծառայեց, քանի որ այն վերածվել էր ժամանցի վայրի՝ գիշերակացի և նմանատիպ այլ սենյակներով»,–ասվում է հաղորդագրության մեջ։
Գետնանցումը բարեկարգելու նպատակով Երևանի քաղաքապետ Տիգրան Ավինյանի համապատասխան թույլտվությամբ քանդվել են 190 քմ մակերեսով ինքնակամ շինություններ:
