ԱԳ փոխնախարար Պարույր Հովհաննիսյանը «Հայաստան-ԵՄ ռազմավարական գործընկերության խթանումը Վիշեգրադյան քառյակի փորձի հիման վրա» թեմայով եզրափակիչ համաժողովում հայտարարել է, որ 2025–ին նախատեսվում է դեսպանությունների փոխադարձ բացում Հայաստանի և Հունգարիայի մայրաքաղաքներում, հայտնում է Factor.am-ը։

Հայաստանի կառավարությունը դեռևս անցած տարի որոշում էր ընդունել Հունգարիայում դեսպանություն հիմնելու վերաբերյալ՝ ընդգծելով, որ Հունգարիան, որպես Եվրոպական Միության անդամ պետություն, Հայաստանի համար ռազմավարական կարևորություն ունի։

2024 թ. մայիսի 6-ին կայացել էր Արարատ Միրզոյանի այցը Հունգարիա, որի ընթացքում պայմանավորվածություն էր ձեռք բերվել մայրաքաղաքներում փոխադարձաբար դեսպանությունների բացման վերաբերյալ: