Հունվարի 20–ին Երևան–Կապան չվերթը չի իրականացվել։ Թռիչքի չեղարկման պատճառը եղել են եղանակային անբարենպաստ պայմանները։ Այդ մասին ասել են ՀՀ քաղաքացիական ավիացիայի կոմիտեից, հայտնում է Sputnik Արմենիան։

«Առավոտյան բավականին մառախլապատ էր, չվերթը տեղափոխվել է չորեքշաբթի՝ հունվարի 22–ին»,– ասել են կոմիտեից։

Երևան–Կապան–Երևան չվերթը կատարվում է տեսողական թռիչքների կանոններով, ինչը պահանջում է բարենպաստ եղանակային պայմաններ։ Անբարենպաստ եղանակի դեպքում թռիչքն անխուսափելիորեն չեղարկվում է։

Երևան–Կապան–Երևան չվերթները կատարվում են շաբաթական երեք օր՝ երկուշաբթի, չորեքշաբթի և ուրբաթ։