Հայաստանի պետական սիմֆոնիկ նվագախումբը և Երևանի մետրոպոլիտենը համատեղ նախաձեռնել են Մանսուրյանական շաբաթ՝ նվիրված մեծանուն կոմպոզիտոր Տիգրան Մանսուրյանի ծննդյան տարեդարձին։ Մեկ շաբաթ շարունակ մետրոպոլիտենի կայարաններում կհնչեն նրա ստեղծագործությունները՝ յուրահատուկ միջավայր ստեղծելով բոլոր երաժշտասերների համար։
«Տիգրան Մանսուրյանի կինոերաժշտության ալբոմը թողարկվել է 2024թ. դեկտեմբերի 20-ին. դիրիժոր` Սերգեյ Սմբատյան: Սա հիասքանչ հնարավորություն է երաժշտասերների համար՝ վայելելու հայ մեծ կոմպոզիտորի գործերը՝ մետրոպոլիտենի յուրահատուկ մթնոլորտում։
Մանսուրյանը՝ հայ երաժշտության կենդանի լեգենդը, իր ստեղծագործություններով անգնահատելի դեր ունի հայկական մշակույթում և նրա գործերը շարունակում են պահպանել իրենց մեծ նշանակությունը թե՛ Հայաստանում, թե՛ աշխարհի տարբեր երկրներում»,- ասվում է մետրոպոլիտենի հաղորդագրության մեջ։
