ԱԱԾ տնօրենի նախկին ժամանակավոր պաշտոնակատար, փաստաբան Միքայել Համբարձումյանը ֆեյսբուքյան իր էջում գրել է, որ օր օրի հեռանում ենք պետություն ունենալու բանաձևից։

«2009 թվականին նկարահանված ամերիկյան «Կամավորները» ֆիլմում պատմվում է, թե ԱՄՆ-ում ինչպես են ուղեկցում զոհված զինվորի աճյունը իր հայրենի քաղաքում հուղարկավորման համար:

Բանակը, սովորական մարդիկ, պետության և տեղական մարմինների ներկայացուցիչները արարողակարգային ինչպիսի պատվի են արժանացնում՝ գիտակցմամբ, որ զինվորը զոհվել է հանուն հայրենիքի, հանուն իրենցից յուրաքանչյուրի այսօրվա և վաղվա օրվա:

Զուգահեռ անցկացնելով մեր իրականության հետ, ակամայից մտաբերում ես՝ «ազգային հերոսը հարկ վճարողն է» ամոթալի, կեղծ օրակարգը, գաղափարախոսությունը:

Պետություն ունենալու բանաձևից հեռանում ենք՝ օր-օրի, այսպես՝ չի կարող շարունակվել»,–գրել է նա։