ՀՀ ֆինանսների նախարար Վահե Հովհաննիսյանն աշխատանքային հանդիպում է անցկացրել Եվրասիական զարգացման բանկի խորհրդի նախագահի տեղակալ Յարոսլավ Մանդրոնի հետ։

Հանդիպման ընթացքում քննարկվել են Հայաստանում ԵԱԶԲ-ի ներդրումային ծրագրերը։ ԵԱԶԲ-ն շարունակելու է կենտրոնանալ իրական հատվածում ներդրումների վրա՝ նախատեսելով 2025-2026 թթ․ ներդնել ևս 200-250 մլն դոլար։

2022-2024 թվականներին բանկի կողմից իրականացված ներդրումները կազմել են 328 մլն ԱՄՆ դոլար, իսկ ընդհանուր կուտակված ներդրումների ծավալը հասել է 488 մլն ԱՄՆ դոլարի։

Նախարարը շնորհակալություն է հայտնել Մանդրոնին՝ 2024 թվականի մայիսի 25-26-ին տեղացած հորդառատ անձրևների հետևանքով ստեղծված արտակարգ իրավիճակին արագ արձագանքելու համար։