Օլիմպիական խաղերի արծաթե մեդալակիր, աշխարհի և Եվրոպայի չեմպիոն Արթուր Դավթյանը հաջող մրցելույթ է ունեցել Գերմանիայի Կոտբուս քաղաքում ընթացող աշխարհի գավաթի խաղարկության առաջին փուլում։

Հենացատկի վարժությունում նա հավաքել է 14․850 միավոր և անցել եզրափակիչ, հայտնում է Արմենպրեսը։

Ավելի վաղ մրցաշարի որակավորման փուլն անցել էին նաև Համլետ Մանուկյանը և Մամիկոն Խաչատրյանը (նժույգ-թափեր), ինչպես նաև Արթուր Ավետիսյանը և Վահագն Դավթյանը (օղակներ)։