ՀՀ կրթության, գիտության, մշակույթի և սպորտի նախարարության աջակցությամբ և Երևանի Սայաթ-Նովայի անվան երաժշտական դպրոցի նախաձեռնությամբ 2025–ի մայիս-հունիս ամիսներին նախատեսվում է անցկացնել «Փայտփորիկ» սոլֆեջիոյի առաջին հանրապետական օլիմպիադան։

Օլիմպիադայի կազմկոմիտեն, որի ղեկավարն է ՀՀ կրթության, գիտության, մշակույթի և սպորտի նախարարի տեղակալ Դանիել Դանիելյանը, նախարարությունում կայացած նիստի ժամանակ հաստատել է օլիմպիադայի կանոնակարգը։ Բացի այդ, քննարկվել և սահմանվել է նաև օլիմպիադայի շրջանակում իրականացվելիք սոլֆեջիոյի դասավանդման մեթոդական աշխատանքների մրցույթի կարգը։

Այս ձևաչափով առաջին անգամ իրականացվող միջոցառումը հնարավորություն է տալու ՀՀ տարբեր երաժշտական և արվեստի դպրոցների սաներին մրցակցային պայմաններում դրսևորելու իրենց գիտելիքներն ու սոլֆեջիոյի դասընթացների արդյունքները։

Մրցույթին կարող են մասնակցել հանրապետության երաժշտական և արվեստի դպրոցների 7-րդ դասարանցիները։

ՀՀ-ում գործում է mwt 170 երաժշտական և արվեստի դպրոց, որոնք իրականացում են արտադպրոցական նախամասնագիտական կրթություն։ Այս հաստատությունները կարևոր դեր ունեն մշակութային կրթության, գեղագիտական դաստիարակության, երեխաների և պատանիների բազմակողմանի զարգացման, ինչպես նաև շնորհալի աշակերտների բացահայտման գործում։ Սոլֆեջիոն համարվում է երաժշտարվեստի ուսուցման առանցքային առարկաներից մեկը՝ նպաստելով երաժիշտների հմտությունների և կարողությունների կատարելագործմանը։