ՀՀ բարձր տեխնոլոգիական արդյունաբերության նախարարությունը և միջազգային ճանաչում ունեցող Plug and Play աքսելերատորը համատեղ ծրագրի շրջանակում ստեղծել են բացառիկ հնարավորություն հայկական ստարտափների համար՝ նրանց միացնելով գլոբալ տեխնոլոգիական համայնքին։

Երևանում կայացած միջոցառման ընթացքում ամփոփվել է միջազգային աքսելերատորի ծրագրի հերթական փուլը։

ԲՏԱ նախարար Մխիթար Հայրապետյանն ասել է․ «Այս նախաձեռնությունն առանձնահատուկ նշանակություն ունի հայկական տեխնոլոգիական համայնքի համար. այն ոչ միայն խթանում է մենթորության մշակույթը, այլև ստեղծում է ներդրումային բազմապիսի հնարավորություններ՝ հայաստանյան ստարտափներին մղելով դեպի միջազգային շուկաներ»։

Ծրագրին այս անգամ դիմել էին 119 ստարտափ, որոնցից ընտրվել է 20-ը՝ Tactun, Kerpak, The Fintch, EdMap, Prodmap, Doctor Yan, Biocentric, Wearify, Hirebee, Zegashop, Moby, Sestive, Hoviv, FiveBrane, Text’nPayMe, Doccy, CaseLens, doodooc, Drawstory և Pearch AI։

Նշվել է, որ հայկական ստարտափները քայլ առ քայլ ամրապնդում են իրենց դիրքերը միջազգային տեխնոլոգիական ասպարեզում, և այսօրինակ ծրագրերը նպաստում են Հայաստանը նորարարությունների և ստեղծարար մտքի կենտրոն դարձնելու մեր քաղաքականությանը»։