Ֆրանսահայ ռեժիսոր Ալեքսիս Պազումյանի «Սև այգի» ֆիլմն ընդգրկվել է Չեխիայում անցկացվող 27-րդ ամենամյա «Մեկ աշխարհ» ֆիլմերի միջազգային փառատոնի «Տեղեկացված լինելու իրավունք» անվանակարգում։

Այդ մասին հայտնել է չեխական «Մարդը կարիքի մեջ» կազմակերպությունը՝ ընդգծելով, որ «Սև այգի» ֆիլմը ներկայացնում է Լեռնային Ղարաբաղի Թալիշ գյուղի երեք սերունդների պատմությունը։, հայտնում է Արմենպրեսը։

Ֆիլմում արտացոլված են պատերազմի թողած հետևանքները, գյուղի բնակիչների վերադարձն ու առօրյան, ինչպես նաև 2020 թվականի պատերազմի ազդեցությունը։ Պատմությունները բացահայտում են հակամարտության անվերջանալի շրջափուլը, մարդկային ճակատագրերի ողբերգական իրականությունը և կորստի ցավը։