2025–ի հունվարի 1-ից մինչ այժմ համընդհանուր հայտարարագիր լրացրած 5741 քաղաքացի ստացել է 535 միլիոն դրամ սոցիալական կրեդիտ։ Այդ մասին ֆեյսբուքյան իր էջում հայտնել է վարչապետ Նիկոլ Փաշինյանը։

Նրա խոսքով՝ մարտի 10–ի համեմատ հայտարարագիր լրացրած քաղաքացիների թիվն աճել է 1232-ով, իսկ վերադարձված գումարը՝ 115 միլիոն դրամով։

«Մեկ մարդու կողմից ետ ստացած կրեդիտի միջին չափը 93.1 հազար դրամ է»,- նշել է վարչապետը։

ՀՀ բոլոր վարձու աշխատողները նոյեմբերի 1–ից պետք է եկամուտների հայտարարագիր ներկայացնեն։ Եկամուտների տարեկան հայտարարագիր ներկայացրած անձը, հաշվետու տարվա ընթացքում իր կամ իր ընտանիքի անդամների համար առողջապահության ու կրթության գծով սոցիալական ծախսեր անելու դեպքում, կարող է օգտվել սոցծախսի փոխհատուցման հնարավորությունից։