ԱԺ պատգամավոր Թագուհի Թովմասյանը լրագրողների հետ զրույցում տեղեկացրել է, որ «Պատիվ ունեմ» խմբակցությունը կստանձնի այս հարցով ԱԺ էթիկայի հանձնաժողով ձեւավորելու լրագրողի դիմումին ընթացք տալու գործընթացը։
Նա դատապարտել է լրագրող Հռիփսիմե Ջեբեջյանի նկատմամբ ՔՊ-ական պատգամավոր Անդրանիկ Քոչարյանի վարքը, հայտնում է Aravot.am-ը:
Թովմասյանը ընդգծել է, որ իշխող կուսակցությունը, եթե չի ցանկանում կիսել Անդրանիկ Քոչարյանի վարքի հետևանքները, ապա պետք է աջակցի հանձնաժողովի ձևավորմանը։ Նրա կարծիքով, ցանկալի է, որ ստեղծվելիք հանձնաժողովի աշխատանքներին ղեկավարի ընդդիմությունը, որպեսզի հարցի քննարկումը գործնական արդյունք տա, այլ ոչ թե սահմանափակվի ընթացակարգային քննարկումներով։
Դեպքը տեղի է ունեցել Ազգային ժողովի ճեպազրույցների ժամանակ, երբ Անդրանիկ Քոչարյանը, լինելով պաշտպանության և անվտանգության հարցերի մշտական հանձնաժողովի նախագահ, դիմել է լրատվականի ղեկավար Հռիփսիմե Ջեբեջյանին՝ պահանջելով նրան փոխել դիրքը և չխանգարել։ Լրագրողի պարզաբանում ստանալու փորձի ժամանակ պատգամավորը հորդորել է նրան «մաքրել շրթունքները»։
