Ղուկասյան․ Ընդդիմությունը պետք է համախմբվի ամենաշատ ձայն ստացած թեկնածուի շուրջ
Գյումրու քաղաքապետի թեկնածու Վարդան Ղուկասյանը կարևորել է ընդդիմադիր ուժերի միավորումը՝ իշխանություններին հեռացնելու նպատակով՝ ընդգծելով, որ այս գործընթացում վճռորոշ պետք է լինի այն թեկնածուի շուրջ համախմբումը, ով կստանա առավելագույն ձայները։ Նա այդ մասին գրել է Տելեգրամի ալիքում։
«Ես ուղիղ հայտարարում եմ՝ այս իշխանություններից ազատվելու համար ընդդիմությունը պետք է համախմբվի ամենաշատ ձայներ հավաքած թեկնածուի շուրջ
Եթե մեկը ինձնից շատ հավաքի ես կօգնեմ առանց պայմանի, իսկ եթե ես ավելի շատ ձայն հավաքեմ՝ ինձ չմիանան, դրանով օգնելու են այս չարիքի իշխանություններին»,–ասվում է գրառման մեջ։
ՏԻՄ ընտրությունները Գյումրիում կայանալու են մարտի 30–ին։
