Արտերկրից ևս 3 գիտնական 5-ամյա ծրագիր կիրականացնի ՀՀ–ում՝ ամփոփվել են «Հայաստանի Հանրապետության գիտական համայնքին արտերկրի գիտնականների ինտեգրում - 2025» մրցույթի արդյունքները։
ՀՀ կրթության, գիտության, մշակույթի և սպորտի նախարարի հրամանով հաստատվել է այն գիտական նախագծերի ցանկը, որոնք ստացել են ֆինանսավորման երաշխիք։
Ընտրված գիտնականներ ՀՀ գիտական կազմակերպություններում կիրականցնեն հնգամյա նախագիծ: Այդ նպատակով համապատասխան գիտական կազմակերպություններում կստեղծվեն ժամանակակից գիտական ուղղություններով նոր ստորաբաժանումներ:
Ծրագիրը մեկնարկել է 2022 թվականից, որի շրջանակում արդեն երաշխավորվել է 18 գիտական նախագծի ֆինանսավորում։