ԱԺ պատգամավորի մանդատը վայր դրած «Քաղաքացիական պայմանագիր» խմբակցության անդամ Վիլեն Գաբրիելյանից հետո, ըստ ՔՊ ընտրացուցակի, խորհրդարանում նրան պետք է փոխարինիԱրշակ Օրդուխանյանը, հայտնում է Aysor.am-ը։
Նա ընդգրկված է եղել «Քաղաքացիական պայմանագիր» կուսակցության 2021 թվականի արտահերթ խորհրդարանական ընտրությունների ցուցակի 100-րդ հորիզոնականում։
Օրդուխանյանը «Զինառ» փակ բաժնետիրական ընկերության տնօրենի ժամանակավոր պաշտոնակատարն է։
Վիլեն Գաբրիելյանը հայտնել էր, որ վայր է դնում իր մանդատը։ Ազգային ժողովի աշխատակազմը ստացել է դիմումը։
Մարտի 30-ին՝ Գյումրու ավագանու ընտրությունների օրը, միջադեպ է տեղի ունեցել լրագրողների և ՔՊ-ական պատգամավոր Վիլեն Գաբրիելյանի միջև։ Լրագրողի՝ Սարիկ Մինասյանի հնարավոր պարտության վերաբերյալ հնչեցրած հարցին Գաբրիելյանը արձագանքել է, թե կուրախանա։ Նա նաև նշել է. «Մեկ է` 2026-ին իշխանությունը փոխվելու է, խի՞ եմ ես մանդատս հիմա վայր դնում»։