Իրավապահները պարզում են Երևանի կենտրոնում ադրբեջանցի բլոգերի հայտնվելու հանգամանքները։ ՔԿ-ում քրեական վարույթ է նախաձեռնվել, հայտնում է «Փաստինֆոն»։

Մարտի 25-ին համացանցում տեսանյութ էր տարածվել, համաձայն որի՝ ադրբեջանցի երիտասարդը Երևանի կենտրոնում ազատ շրջում է՝ հայտարարելով, թե ինքը «պատմական քաղաքում» է։ ԱԱԾ-ն օրեր շարունակ հրապարակային որևէ անդրադարձ չի կատարել դեպքին։

ՀՀ քննչական կոմիտեի մամուլի քարտուղար Կիմա Ավդալյանը տեղեկացրել է, որ դեպքի առթիվ նախաձեռնվել է քրեական վարույթ՝ ՀՀ քրեական օրենսգրքի 422-րդ հոդվածի 2-րդ մասի հատկանիշներով (իշխանությունը զավթելուն, տարածքային ամբողջականությունը խախտելուն կամ սահմանադրական կարգը բռնի տապալելուն ուղղված հրապարակային կոչը, որը կատարվել է հրապարակայնորեն ցուցադրվող ստեղծագործությունները կամ զանգվածային լրատվության միջոցները կամ տեղեկատվական կամ հաղորդակցական տեխնոլոգիաներն օգտագործելով)։