Արեգակի վրա ուժգին բռնկում է գրանցվել։ Այդ մասին հայտնել է ՌԴ Կիրառական գեոֆիզիկայի ինստիտուտը։ Գիտնականները բռնկումը դասակարգում են որպես նախավերջին դասի հզորության։

«1 ապրիլի, ժամը 09:46-ին Մոսկվայի ժամանակով, 16 րոպե տևողությամբ M5.6 բռնկում է գրանցվել բծերի 4046 (N02E29) խմբի ռենտգենյան տիրույթում», – հայտնել են ինստիտուտից, գրում է ՏԱՍՍ–ը։

Ավելի վաղ գիտնականները հայտնել էին, որ վերջին օրերին արևային ակտիվությունը շարունակաբար աճել է։ Ամենաուժեղ բռնկումներն այս ընթացքում արձանագրվում են 4048 խմբում։

Արեգակնային բռնկումները բաժանվում են 5 կարգիմ ըստ ռենտգենյան ճառագայթման հզորության՝ A, B, C, M և X։ Ամենացածր մակարդակը՝ A0.0, համապատասխանում է Երկրի ուղեծրում մեկ քառակուսի մետրի վրա 10 նանովատ ճառագայթմանը։ Յուրաքանչյուր հաջորդ տառի դեպքում հզորությունն ավելանում է տասնապատիկ։ Սովորաբար նման բռնկումներն ուղեկցվում են արևային պլազմայի արտանետումներով։ Երբ այդ ամպերը հասնում են Երկիր, կարող են առաջացնել մագնիսական փոթորիկներ։