Ապրիլի 1–ին Բաքվի ռազմական դատարանում շարունակվել է Արցախի նախկին պետնախարար և բարերար Ռուբեն Վարդանյանի դեմ շինծու քրեական գործով դատական ֆարսը, որի ընթացքում հարցաքննվել են այսպես կոչված «տուժողները», որոնք տարբեր վիրավորումներ են ստացել մարտական գործողությունների ժամանակ։

Նրանք խոստովանել են, որ Ռուբեն Վարդանյանին ճանաչում են միայն լրատվամիջոցների և սոցիալական ցանցերի միջոցով և երբեք չեն շփվել նրա հետ։

Նշվում է, որ Վարդանյանին տրամադրվել է իր տիրապետած լեզվի՝ ռուսերենի թարգմանիչ, ինչպես նաև փաստաբան, գրում է Minval.az-ը։

Նիստի ընթացքում մեղադրանքներ են հնչել Հայաստանի պետական մարմինների, պաշտոնյաների, զինված ուժերի հասցեին։

Հարցաքննությունից հետո «տուժողները» պատասխանել են դատավորների և պետական մեղադրանքը ներկայացնող դատախազների հարցերին։ Քննարկվել են նրանց ծառայության վայրերը, կոնկրետ տարածքները, որտեղ տեղի են ունեցել ռազմական գործողությունները, ինչպես նաև ստացած վնասվածքների բնույթն ու ծանրությունը։

Հաջորդ դատական նիստը նշանակված է ապրիլի 8-ին։