Եվրոպական արտաքին գործողությունների ծառայության գլխավոր քարտուղար Բելեն Մարտինես Կարբոնելը հանդիպում է ունեցել ԵՄ-ում Հայաստանի դեսպան Տիգրան Բալայանի հետ՝ քննարկելու ՀՀ և Եվրամիության միջև հարաբերությունների հետագա զարգացումը։ Այդ մասին նա գրառում է կատարել X-ի իր միկրոբլոգում։

«Հաճելի էր հանդիպել ՀՀ դեսպանի հետ՝ քննարկելու համար ԵՄ և ՀՀ միջև հարաբերությունների հետագա խորացումը։ Եվրամիությունը հավատարիմ է մնում Հարավային Կովկասում կայունության, խաղաղության և բարգավաճման համար աշխատանքին»,- գրել է Մարտինեսը։

Փետրվարի 12–ին ՀՀ Ազգային ժողովը առաջին ընթերցմամբ հավանություն է տվել ԵՄ-ին ՀՀ-ի անդամակցության գործընթացի մեկնարկի մասին օրինագծին։ Հայաստանի կառավարությունը հունվարի 9-ին հավանություն է տվել Եվրամիությանն անդամակցելու գործընթաց սկսելու մասին նախագծին, որը ներկայացրել էր «Եվրաքվե» քաղաքացիական նախաձեռնությունը։ Նախագիծն առաջիկայում քննարկվելու է Հայաստանի խորհրդարանում։